54. உலா வருவோம்

 266. வெடித்து சிதறின

         வெடிகளின் ஓசை 

       அதில் 

      அதை தயாரித்த 

      குட்டிக் கரங்களின் 

     விசும்பல் ஓசை 

     அடங்கிப் போயிற்று,

267.கவிதை ஒன்றை 

      எழுதத் தொடங்கினால்

     சொற்கள் 

    ஒத்துழைக்காமல் 

   அடம் பிடித்துக் 

   கொண்டிருக்கின்றன


268,தாயை விட்டு 

       பூவை பறிக்கையில் 

       பிரிவு எண்ணி 

       சொட்டு தண்ணீர்

       செடியில்.


269.சீந்துவாரின்றி 

       தெருவோரத்தில்

       கிடக்கிறது சற்றே நாற்றத்துடன் 

      நுனியிலையாய் 

      நேற்று போற்றப்பட்ட 

       வாழையிலை.


270, இன்று 

       மனம் புரவியாய் ஓட 

      கைகளோ 

     நத்தையாய்  ஊர 

   தட்டச்சு 

  திகைத்து செயல்பட 

கணினி விழிக்கிறது 

செய்வதறியாது.

Comments

Post a Comment

Popular posts from this blog

1-உலா வருவோம்

 கவிதை பல படைத்திட கணேசனையும் கலைவாணியையும் வணங்கி வலைப்பதிவு இதனை தொடங்கினேன் இன்று இன்ப உலா வருவோம். விழித்தெழுவோம் ----------------------------------- சுட்டும் விழிச் சுடர்  சூரிய சந்திரர்  வட்டக் கரிய விழி  வானக் கருமை  என்றிட்டான் மீசைகவி விழியே கதை எழுது என்றிட்டான் கவியரசன் கயல்விழி மான் விழி என்றெல்லாம் கவிஞர்கள் ஒப்பிட்டார்கள் விழியை. இதயத்தின் வாசல்  விழியல்லவா விழி வரவேற்கிறது  விழி அன்பைப் பொழிகிறது விழி பேசுகிறது விழி அழுகிறது  விழி பார்க்கின்றது  விவேகானந்தர் சொன்ன  எழுமின் விழிமின் படி  செயலில் உடன் இறங்குவோம்  அறியாமையை விரட்டுவோம் விழித்தெழுந்திடுவோம்.        ------------------------------- 1. மொட்டுக்களை பறிக்காதீர்கள்    மலரும் வரையேனும்    தாயுடன் இருக்கட்டும். 2.உயிர் மெய் எழுத்தென்ன என    கேட்டதும் சொன்னது    காகம். 3.விடைதேடும் பயணம் தானே    வாழ்க்கை?    அதற்கு முடிவேது,விடையேது? 4.கோபம் இருக்குமிடத்தில்     குண...
Read more

14.உலா வருவோம்

 66. நீல வானில்        நீந்திக்கொண்டிருக்கின்றன        தேங்காய் துருவலாக       வெண்பறவைகள். 67. விதை இல்லா திராட்சை       ப்ராய்லர்சிக்கன்       மரபணு விதைகள்       புழு இல்லா கத்திரி       போய்கொண்டுதான் இருக்கிறோம்       இவைகளுடன்        மதிகெட்டவராய். 68. இரு கைகளைக் கூப்பி       இறைவனை       இன்னமும் வேண்டி       இறைஞ்சினான்      இல்லை  என்பவனுக்கு      இல்லை என்று சொன்ன      இருப்பவன். 69.சட்டமென்பது வெளிக்காவல்      தர்மமென்பது மனக்காவல்      இரண்டும் போன பின்      எது காவல்? யார் காவல்? 70, அரங்கினுள் நுழைகிறேன்        இருக்கைகள் நிரம்பி வழிகின்றன        யாரேனும் எழமாட்டார்களா?       தேடுகின்றன      பல நூறு கண்கள்   ...
Read more

2. உலா வருவோம்

 6.அதிருப்தி      சோகம்      தோல்வி     விட்டகல    "தான்" எனும் அகந்தையை      விட்டொழி, 7. திருமணம் என்பது     சரியான துணையைத்   தேடிப்பிடிப்பது அல்ல.   கடைசிவரை சரியான துணையாக இருப்பதே. 8. புரிந்துகொண்டால்   கோபம் கூட அர்த்தம்     உள்ளதாய் தெரியும்..    புரியவில்லை என்றால்   அன்பு கூட   அர்த்தம் அற்றதாய் தெரியும். 9. காதலிக்கையில்     பொன்னென்றிட்டான்     திருமணம் என்றதும்    பொன் எவ்வளவென்றிட்டான். 10,புரிந்து நடக்க ஒரு  துணையிருந்தால்      சரிந்துவிடாமல் வாழ்ந்திடலாம்      வாழ்க்கை முழுவதும்.
Read more