41.உலா வருவோம்

201.

சீந்துவாரின்றி 

       தெருவோரத்தில்

       கிடக்கிறது சற்றே நாற்றத்துடன் 

      நுனியிலையாய் 

      நேற்று போற்றப்பட்ட 

       வாழையிலை.

202. தீபாக்களும்

        கனகாக்களும்

        ஸ்னேகாக்களும் 

        நாளும் 

        அலைபேசியில்

        அந்த கடன் வேண்டுமா

        இந்த கடன் வேண்டுமா

        என தொல்லை 

        கொடுக்கின்றனர்.


203. கொய்யாப்பழம் என

        கொய்த பழத்தை

        சொல்கிறார்கள்.


204. மழை பிரமிப்புதான் 

        முதல் மழை என்று பார்த்தேன் 

        நினைவில் இல்லை

        பார்க்கும் மழை எல்லாம் 

        முதல் மழை தான் எனக்கு,


205. முகம் பார்க்கும் கண்ணாடியை

         கண்டுபிடித்தவன் 

         அகம் பார்க்கும் 

         ஆடியை கண்டுபிடிக்க

        மறந்தது ஏன்?

Comments

Post a Comment

Popular posts from this blog

1-உலா வருவோம்

 கவிதை பல படைத்திட கணேசனையும் கலைவாணியையும் வணங்கி வலைப்பதிவு இதனை தொடங்கினேன் இன்று இன்ப உலா வருவோம். விழித்தெழுவோம் ----------------------------------- சுட்டும் விழிச் சுடர்  சூரிய சந்திரர்  வட்டக் கரிய விழி  வானக் கருமை  என்றிட்டான் மீசைகவி விழியே கதை எழுது என்றிட்டான் கவியரசன் கயல்விழி மான் விழி என்றெல்லாம் கவிஞர்கள் ஒப்பிட்டார்கள் விழியை. இதயத்தின் வாசல்  விழியல்லவா விழி வரவேற்கிறது  விழி அன்பைப் பொழிகிறது விழி பேசுகிறது விழி அழுகிறது  விழி பார்க்கின்றது  விவேகானந்தர் சொன்ன  எழுமின் விழிமின் படி  செயலில் உடன் இறங்குவோம்  அறியாமையை விரட்டுவோம் விழித்தெழுந்திடுவோம்.        ------------------------------- 1. மொட்டுக்களை பறிக்காதீர்கள்    மலரும் வரையேனும்    தாயுடன் இருக்கட்டும். 2.உயிர் மெய் எழுத்தென்ன என    கேட்டதும் சொன்னது    காகம். 3.விடைதேடும் பயணம் தானே    வாழ்க்கை?    அதற்கு முடிவேது,விடையேது? 4.கோபம் இருக்குமிடத்தில்     குண...
Read more

10. உலா வருவோம்

 46. தேய்ந்து தான் கொண்டிருக்கிறது          நிலவு வளர்பிறை நோக்கி. 47.கா..கா..      கரைந்தது       காகம் ஒன்று      அரும் பசி போலும்      அன்னம் சற்று இட்டதும்      சற்றே தொனி மாற்றி      கா. கா.. என்றது      அதன் மொழியில்       நன்றி சொல்கிறதோ! 48.  முதலும் முடிவும் தெரியா        சிக்கல் விழுந்த நூல்கண்டாய்        வாழ்க்கை. 49.போகும் ஊருக்கு       வழியைக் கேட்டால்       போகாத ஊருக்கு       வழியை சொல்கிறார்கள்       அதனால் என்ன        போகாத ஊருக்கும்        ஒருநாள் போகவேண்டியதுதானே. 50. தளர்ந்த நிலையிலும்        விரல் நீட்டும்       விழுதுகளை நினைப்பதில்லை       நாணலை நம்பி       நர்த்தனம் ஆடுவோர்,        ...
Read more

14.உலா வருவோம்

 66. நீல வானில்        நீந்திக்கொண்டிருக்கின்றன        தேங்காய் துருவலாக       வெண்பறவைகள். 67. விதை இல்லா திராட்சை       ப்ராய்லர்சிக்கன்       மரபணு விதைகள்       புழு இல்லா கத்திரி       போய்கொண்டுதான் இருக்கிறோம்       இவைகளுடன்        மதிகெட்டவராய். 68. இரு கைகளைக் கூப்பி       இறைவனை       இன்னமும் வேண்டி       இறைஞ்சினான்      இல்லை  என்பவனுக்கு      இல்லை என்று சொன்ன      இருப்பவன். 69.சட்டமென்பது வெளிக்காவல்      தர்மமென்பது மனக்காவல்      இரண்டும் போன பின்      எது காவல்? யார் காவல்? 70, அரங்கினுள் நுழைகிறேன்        இருக்கைகள் நிரம்பி வழிகின்றன        யாரேனும் எழமாட்டார்களா?       தேடுகின்றன      பல நூறு கண்கள்   ...
Read more